مسوری میں کار حادثے میں تین سیاحوں کی موت ہو گئی

۔ دہرادون۔ مسوری میں سڑک حادثے میں ہریانہ کے تین سیاحوں کی موت ہو گئی۔ یہاں ہاتھی پاون مارگ پر سنیچر بند کے قریب رات کے وقت ڈرائیور نے کار پر سے کنٹرول کھو دیا۔ کار کے 500 میٹر کھائی میں گرنے کی اطلاع پیر کی صبح ملی۔ ایس ڈی آر ایف، پولیس اور فائر سروس نے موقع پر پہنچ کر تینوں لاشوں کو کھائی سے نکالا۔ ہریانہ کے سونی پت سے مسوری آنے والے تین لوگوں کی کار اتوار کی دیر رات ہاتھی پاون مارگ پر سنیچر بند کے قریب بے قابو ہوگئی اور تقریباً 500 میٹر نیچے گہری کھائی میں جاگری۔ مسوری پولیس اسٹیشن کو صبح 10 بجے یہ اطلاع ملی۔ ایس ڈی آر ایف، پولیس، فائر سروس نے موقع پر ریسکیو کیا اور لاشوں کو کھائی سے باہر نکالا۔ جنہیں ایمبولینس کے ذریعے سول اسپتال مسوری روانہ کیا گیا۔